Luhô uronyan nibak poh dua, uroe tarek sang jitöt donya. Watèe lewat nibak jalan leumah lôn kalön ureung seumula(padé), göt that meuatô meubanja-banja padé geupula oleh dum masa yang meusaho. Siat lôn döng lôn peumaté honda sira rhah muka nibak saboh môn raya. Ie jih jeureneh sang meukilat-kilat. Sira lôn duk-duk lôn peureubah droe ngak magat asoe sigoh lom u rumoh teuka. Teungöh lôn eh-eh teudeungö su diliköt…”nyan peu kapeugöt?”. Jangtông lôn sang rap leukang sabab teugijet ngön su nyan. Sigra lôn beudöh jak kalön rupa so nyang sapa. Teuma seunang didalam dada lôn jisapa lé aneuk dara, ngön dug-dug até lôn buka haba “so nan di gata wahé aneuk dara?”. Teuma kali phön hana ji seuot puekeuh na lôn carôt hai nyak dara?, hana jawaban nibak sidara laju sigra lôn peutentè nama. Lôn bôh nan jih seurunèe padé beu ék na hasé ji peugah haba. ‘ohlheuh nyan sidara ji anggôk ulè tanda meutentè seurunèe nama, watèe lôn peuto jiplung sigra. Dua minggu nibak lheh nyan kamoe hantöm lé meusua bah pih até rindu hana pat peugah.
Mawardi
Mahasiswa Bahasa dan Sastra Indonesia 2010, FKIP Unsyiah
